Այս ինտերնետային էջը պարունակում է կարևոր տեղեկատվություն Tata Communications-ի անլար լայնաշերտ ինտերնետ հասանելիության ծառայությունների մատուցման պայմանների, կատարողականի և կառավարման վերաբերյալ և նպատակ ունի օգնելու Ձեզ տեղեկացված ընտրություն կատարել այս ծառայությունների ձեռքբերման և օգտագործման վերաբերյալ:
Tata Communications-ն ապահովում է լայնաշերտ ինտերնետ հասանելիության ծառայություններ Wi-Fi թեժ կետի ծառայությունների միջոցով` ընտրված ավտոմոբիլային արտադրանքում: Այս ծառայությունները Tata Communications-ի հաճախորդներին հնարավորություն են ընձեռում փոխանցել և ստանալ տվյալներ ինտերնետում բոլոր կամ հիմնականում բոլոր կետերից՝ Tata Communications-ի տվյալների ցանցերը և SIM քարտով սարքի ու Tata Communications-ի տվյալների ցանցերի միջև ծառայության անլար կապն օգտագործելիս: Տրված տեղեկատվությունը վերաբերում է Ձեր փորձին Tata Communications-ի տվյալների ցանցերն օգտագործելիս, և կարող է չբնութագրել այն պայմանները, կատարողականը կամ կառավարումը, որին Դուք կարող եք հանդիպել ընդլայնված ծածկույթի ցանցեր օգտագործելիս կամ ռոումինգում՝ Tata Communications-ի հետ կապված չունեցող ցանցերում: Առավել հստակության համար նշենք, որ Tata Communications-ը չի վերահսկում SIM քարտ (ավտոմոբիլ, հեռախոս կամ այլ սարքավորումներ) պարունակող սարքի և անլար կապ ապահովող ծառայության մատակարարի ցանցի միջև անլար կապը:
Tata Communications-ի դրույթներն ու պայմանները, ներառյալ ուղեցույցներն այնպիսի թեմաների վերաբերյալ, ինչպիսիք են՝ ծառայության պլանները, ակտիվացման ընթացակարգերը, տվյալների օգտագործումն ու վեճերի լուծումը և այլ պայմաններ ու դրույթներ, կարող եք տեսնել այստեղ՝ https://move.tatacommunications.com/Terms-and-Conditions. Եթե Դուք գնել եք Tata Communications-ի ծառայությունը երրորդ կողմի միջոցով, ապա վերանայեք նաև երրորդ կողմից տրամադրված փաստաթղթերը, քանի որ այդ փաստաթղթերը կարող են պարունակել պահանջվող տեղեկատվություն գների և այլ մանրամասների վերաբերյալ:
Tata Communications-ի կողմից տրամադրված լայնաշերտ ինտերնետ հասանելիության ծառայության կատարողականի բնութագրերը որոշվելու են երկու առանձին ցանցերի աշխատանքի բնութագրերով:
Եվրամիության ներսում նորմալ պայմաններում Ձեր անլար կապի ծառայությունն ավտոմոբիլի և անլար ցանցի միջև կտրամադրվի տեղական անլար ծառայությունների մատակարարի կողմից: Լայնաշերտ ինտերնետ հասանելիության ցանցի կատարողականի և ցանցի կառավարման գործելակերպի ու քաղաքականությունների վերաբերյալ տեղեկատվությունը կարող եք գտնել իրենց համապատասխան կայքերում: Ձեր հիմնական օպերատորին առնչվող տեղեկատվության անհրաժեշտության դեպքում, խնդրում ենք կապ հաստատել այն ընկերության հետ, որից գնել եք սարքը կամ Tata Communications-ի հետ` մեր Ծառայության պայմաններում ներառված կոնտակտային տվյալների միջոցով:
Ծածկույթը հասանելի չէ ամենուր, և արագությունն ու ժամանակի հապաղումը կարող են զգալիորեն տարբեր լինել՝ ելնելով Tata Communications-ի վերահսկման շրջանակներում և դրա սահմաններից դուրս առկա գործոններից, ինչպիսիք են՝ ցանցի խնդիրները, ծրագրակազմը, ազդանշանի ուժգնությունը, Ձեր անլար սարքը, կառույցները, շենքերը, եղանակը, աշխարհագրությունը, տեղագրությունը և այլն: Կարևոր է հաշվի առնել Ձեր սարքի հնարավորությունները, Tata Communications-ի ցանցի ծածկույթը և Tata Communications-ի ցանցային տեխնոլոգիաները` որոշելու, թե արդյոք Tata Communications-ի տվյալների ծառայությունները համապատասխանում են Ձեզ: Որպես վերավաճառող՝ Tata Communications-ը չի գովազդում, որ անլար ծառայությունները հասանելի են որոշակի արագությամբ կամ որոշակի տարածքում: Քանի որ մենք չենք գովազդում կամ կրում հատուկ արագություն տրամադրելու պարտավորություն, մենք չենք տրամադրում ընդհանուր տեղեկատվություն մեր օգտատերերին՝ նվազագույն, առավելագույն կամ փաստացի արագությունների վերաբերյալ: Եթե ցանկանում եք ստանալ լրացուցիչ տեղեկություններ Ձեր հատուկ նվազագույն, առավելագույն և փաստացի թողունակության արագությունների վերաբերյալ, դիմեք մեզ` մեր Ծառայությունների պայմաններում մանրամասն ներառված մեթոդներով:
Որոշ դեպքերում, տվյալների բաշխման հետ կապված պլանների օգտատերերը կարող են ունենալ օգտագործված ժամանակահատվածի մնացած մասի համար նվազեցված արագություն այդ հավելվածների համար՝ իրենց սահմանաչափը գերազանցելուց հետո: Մասնավորապես, օրացուցային ամսվա ընթացքում 20 գեգաբայթից ավել օգտագործումը, ներառյալ բոլոր միացված սարքերի օգտագործումը, կհանգեցնի օրացուցային ամսվա տևողության թողունակության արագության իջեցմանը: Այս սահմանների գերազանցմամբ օգտագործումը կարող է կրճատվել մինչև 256 կբ/վ թողունակության, մինչև Ձեր օգտագործման շրջափուլը չվերականգնվի: Մասնակի ամսվա պարագայում օգտագործման շեմն էլ համամասնորեն կբաշխվի` ըստ ամսվա մնացած մասի: Այն դեպքում, երբ կապն օգտագործվում է մեկից ավելի հավելվածների կողմից, այդ հավելվածներից յուրաքանչյուրը կարող է հաշվի առնել Ձեր ամսական տվյալների բաշխումը: Քանի որ մենք վերավաճառում ենք այլ մատակարարների կապը, մենք չենք կարող երաշխավորել որոշակի վայրում հատուկ արագությունների առկայությունը, նույնիսկ այն դեպքում, երբ Ձեր օգտագործման բաշխումը գերազանցելու պատճառով այն աշխատում է կրճատված արագությամբ:
Tata Communications-ը կառավարում է իր ցանցը` նպատակ ունենալով բջջային լայնաշերտ ինտերնետ հասանելիության հնարավոր լավագույն փորձը փոխանցել մեր հաճախորդներին: Մենք օգտագործում ենք ցանցի կառավարման ողջամիտ գործելակերպ, որը համահունչ է տվյալ ոլորտի ստանդարտներին՝ Tata Communications-ի ցանցի և հաճախորդների պաշտպանության և բջջային լայնաշերտ ծառայությունների մատուցումը կառավարելու համար: Գերբեռնվածությունը նվազեցնելու նպատակով Tata Communications-ը գնահատում է իր ցանցի ընդհանուր կատարողականը և ուժեղացնում է իր ցանցը` ավելացնելով կարողությունները կամ կատարելով ցանցի այլ շտկումներ, որոնք կօգնեն բարելավել ցանցի աշխատանքը: Ի թիվս այլ գործողությունների՝ վերը նկարագրված արդար օգտագործման սահմանափակումներն օգնում են Tata Communications-ին ցանցի գերբեռնվածության կառավարման հարցում` ի շահ հաճախորդների բազայի:
