IL-PROTEZZJONI TAL-PRIVATEZZA TIEGĦEK – L-IMPENN TAGĦNA

  1. TATA COMMUNICATIONS U L-PRIVATEZZA TIEGĦEK
    2.
  2. KIF TIKKUNTATTJANA
    3.
  3. INFORMAZZJONI LI NIĠBRU DWAREK U KIF NIĠBRUHA
  4. KIF NUŻAW ID-DEJTA PERSONALI LI NIĠBRU?
    5.
  5. X’INHI L-ĠUSTIFIKAZZJONI GĦAL DAN L-UŻU?
    6.
  6. META NAQSMU MA’ ĦADDIEĦOR ID-DEJTA PERSONALI LI NIĠBRU
    7.
  7. TRASFERIMENT INTERNAZZJONALI TAD-DEJTA PERSONALI
  8. XI DRITTIJIET GĦANDI FIR-RIGWARD TAD-DEJTA PERSONALI TIEGĦI?
    9.
  9. GĦAL KEMM ŻMIEN IŻŻOMMUHA D-DEJTA PERSONALI TIEGĦI
    10.
  10. SIGURTÀ TAD-DEJTA
  11. TIBDILIET F’DIN IL-POLITIKA
    12.

Tata Communications tirrispetta l-privatezza tiegħek u hija kommessa tiżgura li l-protezzjonijiet xierqa qegħdin fis-seħħ għad-dejta personali tiegħek. Aħna nfittxu li nikkonformaw mal-leġiżlazzjoni applikabbli attwali kollha rigward il-protezzjoni, is-sigurtà u l-kunfidenzjalità tad-dejta personali. F’din il-Politika ta’ Privatezza (il-”Politika”), aħna niddeskrivu kif niġbru, nużaw, niżvelaw u nipproteġu d-dejta. Aħna niddeskrivu wkoll id-drittijiet li jista’  jkollok fir-rigward tad-dejta personali tiegħek miżmuma minna. Il-Politika tirrelata mad-dejta personali tiegħek li aħna nistgħu nipproċessaw permezz tal-użu tiegħek tal-Wi-Fi-Hotspot, il-konnettività tal-karozza u/jew servizzi (e)SIM disponibbli fil-vettura Jaguar Land Rover ("JLR") tiegħek (is-"Servizzi").

Din il-Politika tiġi pprovduta f’format bis-saffi, sabiex inti tista’ tikklikkja fuqhom għall-partijiet speċifiċi stabbiliti hawn taħt li jistgħu jkunu tal-akbar interess għalik.

  1. TATA COMMUNICATIONS U L-PRIVATEZZA TIEGĦEK
    1. Il-protezzjoni tal-privatezza tiegħek hija importanti għalina u hija responsabbiltà li nieħdu b’mod serju ħafna
    2. Min aħna? Tata Communications (Netherlands) B.V. hija l-kontrollur tas-Servizzi u responsabbli tagħhom.  Referenzi għal “aħna”, “tagħna” jew “lilna” f’din il-Politika jirreferu għal din il-kumpanija li hija responsabbli għall-ipproċessar, il-ġbir u l-ħażna tad-dejta personali tiegħek.
    3. Informazzjoni addizzjonali dwar il-prattiċi tagħna tad-dejta personali jistgħu jiġu pprovduti fi ftehimiet kuntrattwali,  fi stqarrijiet ta’ privatezza supplimentali, jew f’avviżi pprovduti lilek qabel jew fil-ħin tal-ġbir tad-dejta personali tiegħek.
    4. L-użu tiegħek tas-Servizzi tagħna, u kwalunkwe tilwim dwar il-privatezza, huwa soġġett għal din il-Politika, it-Termini tas-Servizz tagħna (li huma inkorporati b’referenza f’din il-Politika) u kwalunkwe kuntratt għas-servizzi bil-miktub bejnek u bejnna jew kwalunkwe persuna li tipprovdilek aċċess għas-Servizzi tagħna.
  2. KIF TIKKUNTATTJANA

    3. Ghal kwalunkwe mistoqsijiet dwar din il-Politika u l-prattiċi tal-protezzjoni tad-dejta tagħna jew biex teżerċita kwalunkwe drittijiet li jista’ jkollok fir-rigward tad-dejta personali tiegħek taħt il-liġi applikabbli, tista’ tuża l-portal self-service tagħna disponibbli hawn.

    Għal kwalunkwe mistoqsijiet l-indirizz postali tagħna huwa:

    Tata Communications (UK) Limited Legal Compliance – Data Protection and Privacy
    Vintners Place
      68 Upper Thames Street
    London, EC4V3BJ
    Ir-Renju Unit

    Għal Ġermanja, Singapore u l-Indja tista’ tikkuntattja l-Uffiċjal tal-Protezzjoni tad-Dejta tagħna (Uffiċjal tal-Protezzjoni tad-Dejta - “DPO”) billi tuża l-formola ta’ kuntatt DPO tagħna disponibbli hawn.

  3. INFORMAZZJONI LI NIĠBRU DWAREK U KIF NIĠBRUHA
    1. Aħna nistgħu niġbru jew nirċievu mill-JLR tipi differenti ta’ dejta personali bbażata fuq l-użu tiegħek tas-Servizzi tagħna.  Din li ġejja hija ħarsa ġenerali tal-kategoriji ta’ informazzjoni li nistgħu niġbru jew nirċievu.
      1. Informazzjoni dwar il-Kont:
        1. Informazzjoni ta’ kuntatt li tippermettilna nikkomunikaw miegħek. Aħna niksbu din l-informazzjoni meta tordna jew tirreġistra biex tirċievi kwalunkwe Servizz minn tagħna. Aħna niġbru jew nirċievu informazzjoni minn għandek meta tirreġistra għas-Servizzi tagħna, toħloq kont onlajn, tixtri, titlob dettalji jew li nċemplulek lura, tissottometti talba teknika, bħala konsumatur jew talba għal sapport dwar kontijiet, tipparteċipa f’kuntest jew survey, tipprovdilna feedback jew inkella tikkuntattjana. It-tip ta’ informazzjoni li niġbru tiddependi fuq l-interazzjoni tiegħek magħna jew JLR, iżda tista’ tinkludi, ismek, l-indirizz, in-numru tat-telefown (tan-negozju jew personali), l-indirizz tal-emejl, l-indirizz postali/tal-kont (tan-negozju jew residenzjali), id-data ta-twelid, in-numru tal-identifikazzjoni tal-apparat/vettura, id-data tal-bidu tas-servizz, u kwalunkwe informazzjoni rilevanti oħra bħal prova tal-ID jew residenza. Il-provvista ta’ dik id-dejta hija kundizzjonali għalina biex nidħlu f’kuntratt miegħek.
        2. L-informazzjoni dwar il-kontijiet li għandha x’taqsam mar-relazzjoni kummerċjali u finanzjarja tagħna bħas-servizzi li nipprovdulek, in-numri tat-telefown li ċċempel u tibgħat l-SMSs, l-użu tal-Internet tiegħek, it-time stamps jew metadejta oħra tal-użu tiegħek tas-servizz tagħna, l-istorja tal-ħlasijiet tiegħek, l-istorja tal-kreditu tiegħek, in-numri tal-karta tal-kreditu tiegħek, in-numru tas-sigurtà soċjali (fejn permess bil-liġi), il-kodiċijiet tas-sigurtà u l-istorja tas-servizz tiegħek. 
      2. Informazzjoni Teknika u tal-Użu relatata mas-Servizzi li nipprovdulek, inkluża informazzjoni dwar kif tuża s-Servizzi tagħna. Xi eżempji jinkludu:
        1. Dejta tat-Tagħmir. Informazzjoni li tirrelata ma’ u tidentifika t-tagħmir fuq in-netwerks tagħna li inti tista’ tuża jew tinterfaċċja magħhom. L-informazzjoni tista’ tinkludi bħat-tip ta’ tagħmir, l-identifikaturi tal-apparat, l-istatus tal-apparat, in-numri tas-serje, is-settings, it-tip ta’ konfigurazzjoni u softwer.
        2. Użu u Prestazzjoni tan-Netwerk L-informazzjoni dwar l-operazzjoni tat-tagħmir, is-servizzi u l-applikazzjonijiet li tuża fuq in-netwerks tagħna. L-eżempji ta’ din l-informazzjoni jistgħu jinkludu l-post u t-tip tal-apparat wajrless (għal skopijiet ta’ roaming), minn fejn u għal min/fejn tkun saret sejħa (telefonata) għall-assistenza minħabba emerġenza jew qtugħ kif ukoll: id-data, il-ħin, it-tul u l-ispiża tagħha, il-minuti użati minn dik il-vuċi, ir-rekords tat-telefonata, il-bandwidth użat.  Aħna niġbru wkoll informazzjoni bħar-rati u d-dewmien tat-trażmissjoni, id-dejta assoċjata mas-servizzi ta’ monitoraġġ remoti u l-karatteristiċi tas-sigurtà, u informazzjoni dwar l-użu tas-servizzi tagħna tal-vuċi interkonnessa fuq protokoll tal-internet (Voice over Internet Protocol - VoIP) (inklużi servizzi mixtrija offlajn).
    2. Nistgħu niġbru d-dejta personali ta’ hawn fuq waqt li nkunu qed nipprovdulek s-Servizzi jew lil xi ħadd li jkun ipprovdilek l-aċċess għas-Servizzi tagħna. Nistgħu niksbu din l-informazzjoni f’diversi modi, pereżempju:
      1. direttament mingħandek: pereżempju, meta tagħti d-dettalji tiegħek sabiex tabbona għas-Servizzi tagħna jew tikkuntattjana għal informazzjoni teknika.   
      2. awtomatikament: meta tiġi ġġenerata dejta personali mill-użu tiegħek tas-Servizzi tagħna.
      3. minn sorsi terzi: xi drabi niġbru  l-kategoriji ta’ dejta personali dwarek ta’ hawn fuq minn partijiet terzi fdati, b’konnessjoni mas-Servizzi li nipprovdulek jew li nipproponu li nipprovdulek, fejn ikun xieraq u sal-punt li jkollna bażi ġustifikata biex nagħmlu dan.  Dawn jinkludu, JLR bħala l-manifattur tal-vettura tiegħek, aġenziji tal-prevenzjoni tal-frodi/KYC, direttorji tan-negozji, verifka tal-kreditu u aġenziji tal-ivvettjar/referenzi KYC u fornituri konnessi tan-netwerks. 
  4. KIF NUŻAW ID-DEJTA PERSONALI LI NIĠBRU?
    1. Hawn taħt qed nistabbilixxu xi modi li bihom nipproċessaw id-dejta personali:
      1. Nagħtuk aċċess għas-Servizzi: Nimmaniġġjaw l-applikazzjoni tiegħek u niddeterminaw l-eliġibbiltà tiegħek biex tingħata aċċess għas-Servizzi tagħna. Dan jinkludi li nieħdu azzjoni dwar attivitajiet illegali, frodi/KYC, theddid għall-proprjetà jew il-persunal tagħna u ksur tat-Termini tas-Servizz tagħna u/jew tal-liġi applikabbli u wkoll biex nissodisfaw l-obbligi legali u regolatorji tagħna.
      2. Nipprovdulek is-Servizzi mitluba: Dan jinkludi li nikkomunikaw miegħek u nipprovdulek is-Servizzi mitluba.
      3. Nimmaniġġjaw il-kontijiet u ngħinuk timmaniġġja l-kont tiegħek: Dan jinkludi li nikkomunikaw miegħek dwar l-użu tiegħek tas-Servizzi tagħna, nirrispondu l-mistoqsijiet tiegħek, nipprovdu kwalunkwe informazzjoni li inti titlob, nindirizzaw tickets ta’ sapport tekniċi, u nipprovdu servizz ta’ sapport għall-konsumatur.
      4. Nipproċessaw l-ħlasijiet u l-fatturazzjoni: Niksbu u nipproċessaw il-ħlasijiet, dan jinkludi li nieħdu azzjoni kontra attivitajiet frodulenti u nikkonformaw mal-obbligi legali u regolatorji tagħna. 
      5. Nipproteġu l-integrità tan-netwerk tagħna: Inżommu l-affarijiet siguri, nipproteġu d-dejta personali tiegħek kontra kwalunkwe telf, ħsara, serq jew aċċess mhux awtorizzat, nipprevjenu r-reati u l-frodi, inħarrku lil min jikser il-liġi u nipproteġu s-sigurtà nazzjonali.
      6. Nimmaniġġjaw in-netwerk tagħna: Nimmaniġġjaw in-netwerk tagħna u l-użu tiegħek tan-netwerk tagħna. Dan jinkludi li nimmaniġġjaw il-flussi tad-dejta li jgħaddu min-netwerk tagħna biex niżguraw li l-aħjar kwalità tas-Servizz possibbli tkun disponibbli għalik.  
      7. Riċerka u żvilupppi tas-Servizzi tagħna: Intejbu s-Servizzi tagħna (u tal-imsieħeb terz) u niżviluppaw oħrajn ġodda bil-għajnuna ta’ statistiċi dwar l-użu tas-Servizzi tagħna. 
      8. Attivitajiet relatati mal-kummerċjalizzazzjoni: Nibgħatulek informazzjoni dwar is-Servizzi tagħna, sakemm ma tagħtiniex struzzjonijiet biex ma nagħmlux dan. Fejn inkunu meħtieġa niksbu l-kunsens tiegħek għal dawn l-attivitajiet, int ikollok id-dritt li tirtira dak il-kunsens fi kwalunkwe ħin billi tikkuntattjana permezz tad-dettalji ta’ kuntatt stabbiliti f’din il-Politika.  
      9. Nikkonformaw mar-rekwiżiti legali: Niġbru u nżommu dejta dwarek fejn din tkun meħtieġa skont il-liġi applikabbli, pereżempju dejta ta’ identifikazzjoni.
      10. Nirrispondu għal talbiet mill-awtoritajiet rilevanti u ħtiġijiet regolatorji: Nistgħu nużaw  id-dejta personali tiegħek biex nirrispondu għal talbiet mill-awtoritajiet tal-infurzar tal-liġi jew l-awtoritajiet pubbliċi. Dan jista’ jirrikjedi li niżvelaw id-dettalji tal-kuntatt tiegħek u/jew informazzjoni dwar l-użu tiegħek tas-Servizzi tagħna lil dawn l-awtoritajiet jew li ninblukkaw, ninterċettaw jew inkella ninterferixxu mal-użu tiegħek tas-Servizzi tagħna u kwalunkwe dejta personali ġġenerata mill-użu.
  5. X’INHI L-ĠUSTIFIKAZZJONI GĦAL DAN L-UŻU?
    1. Fl-UE, il-ġustifikazzjoni (jew il-bażi legali) għall-ipproċessar tad-dejta personali tiegħek se tvarja skont l-informazzjoni nnifisha, ir-relazzjoni tagħna mas-suġġett tad-dejta personali, is-Servizz li jkun qed jiġi pprovdut, ir-rekwiżiti legali u regolatorji speċifiċi tal-pajjiż li fih is-Servizzi jkunu qed jiġu pprovduti jew id-dejta personali pproċessata kif ukoll ħafna fatturi oħra.  Il-bażi legali għall-ipproċessar suġġetti għal modifikazzjonijiet f’pajjiżi speċifiċi, huma kif ġej:
      1. Sabiex jagħmlu tranżazzjonijiet miegħek, il-fornituri u l-imsieħba tan-negozju, biex jikkomunikaw miegħek u jipproċessaw l-ħlasijiet u jagħtuk aċċess għas-Servizzi, jeħtieġu li jipproċessaw l-informazzjoni dwarek kif meħtieġ biex jidħlu f’ jew jagħmlu kuntratt  miegħek.
      2. Aħna nipproċessaw id-dejta personali tiegħek għal attivitajiet ta’ kummerċjalizzazzjoni u bejgħ ibbażati fuq il-kunsens tiegħek fejn meħtieġ u indikat hekk fuq is-siti tagħna jew fil-ħin li d-dejta personali tiegħek tkun qed tinġabar, jew barra l-interess leġittimu tagħna biex nikkummerċjalizzaw u nippromwovu l-prodotti u s-servizzi tagħna jew biex intejbuhom jew niżviluppawhom.   
      3. Aħna nserrħu fuq l-interessi leġittimi tagħna biex nipproċessaw l-informazzjoni sabiex nanalizzaw, niżviluppaw, intejbu u nottimizzaw is-Servizzi tagħna, u biex inżommu s-sigurtà u l-integrità tan-netwerk u s-sistemi tagħna. Għandna wkoll interess leġittimu fl-użu tad-dejta personali tiegħek b’konnessjoni mal-pretensjonijiet legali, l-iskopijiet ta’ konformità, regolatorji u investigattivi kif meħtieġ. 
      4. Għaliex il-liġijiet u r-regolamenti applikabbli (inklużi l-liġijiet tat-telekomunikazzjonijiet), jew l-interess pubbliku jeħtieġu li nagħmlu dan, bħal nikkonformaw mal-proċessi legali, l-infurzar tal-liġi jew l-awtoritajiet regolatorji jew li nassistu fil-prevenzjoni, il-kxif u l-prosekuzzjoni tar-reati.
      5. Jekk ma tagħtix kwalunkwe informazzjoni mitluba, jista’ jkun li ma nkunux nistgħu nipprovdulek ċertu servizzi jew funzjonalità.  
    2. Inserrħu fuq l-interessi leġittimi tagħna: Għamilna testijiet tal-ibbilanċjar għall-ipproċessar tad-dejta kollu li nagħmlu  aħna abbażi tal-interessi leġittimi tagħna, li ddeskrivejna hawn fuq. Tista’ tikseb informazzjoni fuq kwalunkwe test tal-ibbilanċjar tagħna billi tikkuntattjana permezz tad-dettalji stabbiliti f’din il-Politika.
    3. Fil-pajjiżi l-oħra kollha (barra fl-UE jew f’ġuriżdizzjonijiet fejn jeżistu rekwiżiti b’karatteristiċi simili għal tal-UE), il-ġustifikazzjoni tagħna għall-ipproċessar tad-dejta personali tiegħek se tkun ibbażata fuq il-kunsens u l-aċċettazzjoni tiegħek tat-Termini tas-Servizz u din il-Politika.
  6. META NAQSMU MA’ ĦADDIEĦOR ID-DEJTA PERSONALI LI NIĠBRU
    1. Aħna nistgħu naqsmu jew niżvelaw id-dejta personali tiegħek jekk niksbu l-kunsens tiegħek kif jista’ jkun meħtieġ f’xi ġuriżdizzjonijiet, kif meħtieġ għall-iskopijiet deskritti hawn fuq u kif inhu aktar dettaljat hawn taħt:
      1. Affiljati. Aħna nistgħu niżvelaw l-informazzjoni li niġbru mingħandek lill-affiljati tagħna. Fejn permess mil-liġi u bil-kunsens tiegħek fejn meħtieġ, l-affiljati tagħna jistgħu jużaw l-informazzjoni tiegħek għall-iskopijiet indikati f’dan id-dokument, inkluża, il-kummerċjalizzazzjoni tal-prodotti u s-servizzi tagħhom lilek.   Fl-ipproċessar tad-dejta personali tiegħek, l-affiljati tagħna jsegwu prattiċi mill-anqas protettivi daqs dawk deskritti f’din il-Politika.    Lista tal-affiljati tagħna hija disponibbli hawn.
      2. Integrazzjoni tas-servizzi tagħna. Is-Servizzi tagħna huma offruti permezz tal-JLR. Għalhekk, se jkollna ħtieġa li naqsmu d-dejta personali tiegħek magħhom biex jassistuna sabiex nipprovdulek is-Servizzi. Aħna nistgħu naqsmu wkoll id-dejta personali tiegħek ma’ kumpaniji li huma integraturi tas-sistemi, bejjiegħa bl-imnut tal-JLR, imsieħba tan-netwerk, sabiex jipprovdulek is-Servizzi.
      3. Fornituri tas-Servizz Terzi. Aħna nimpjegaw kumpaniji u individwi biex jagħmlu funzjonijiet li huma neċessarji għall-proviżjoni tas-Servizzi jew għall-iskopijiet deskritti hawn fuq. L-eżempji jinkludu: li jintbagħtu l-komunikazzjonijiet, l-ipproċessar  tal-ħlasijiet, l-evalwazzjoni tal-kreditu u r-riskji ta’ konformità biex jagħtuk aċċess għas-Servizzi tagħna, l-analiżi tad-dejta, l-immaniġġjar tar-relazzjonijiet mal-klijent, u l-ingaġġar ta’ msieħba tan-netwerk, il-kuntratturi jew l-aġenti, li jwettqu funzjonijiet f’isimna.  Dawn il-partijiet terzi jinkludu trasportaturi jew fornituri oħra li aħna nistgħu niżvelawlhom id-dejta personali fejn meħtieġ biex nipprovdu s-Servizzi tagħna jew nissodisfaw it-talbiet jew l-ordnijiet tiegħek, is-sodisfazzjon ta’ servizz/ordni, is-servizz tal-klijenti, u t-twettiq tal-ħlasijiet, fost l-oħrajn.   Dawn il-fornituri tas-servizz terzi għandhom aċċess għad-dejta personali meħtieġa biex iwettqu l-funzjonijiet tagħhom iżda ma jistgħux jużawha għal skopijiet oħra fejn jipproċessaw id-dejta personali tiegħek f’isimna.   Kull meta naqsmu d-dejta personali ma’ partijiet terzi, nieħdu passi biex niżguraw li l-kuntratti ta’ partijiet terzi fihom il-protezzjonijiet xierqa għad-dejta personali tiegħek.
      4. Trasferimenti tan-Negozju. Jekk niġu akkwistati jew fużi ma’ kumpanija oħra, jew jekk sostanzjalment l-assi tagħna kollha jiġu trasferiti lil kumpanija oħra (li jista’ jiġri bħala parti minn proċedura ta’ falliment), aħna nkunu nistgħu nittrasferixxu d-dejta personali tiegħek lill-kumpanija l-oħra. Jista’ jkollna l-ħtieġa wkoll li niżvelaw id-dejta personali tiegħek qabel kwalunkwe akkwist bħal dak jew fużjoni, pereżempju lill-konsulenti tagħna u kwalunkwe konsulent ta’ xerrej prospettiv.  
      5. Protezzjoni Legali u bi Tweġiba għal Proċess Legali.  Nistgħu niżvelaw l-informazzjoni li niġbru mingħandek sabiex (i) nikkonformaw mal-liġi applikabbli, il-proċeduri ġudizzjarji, l-ordnijiet tal-qorti jew rekwiżiti legali oħra jew, (ii) meta nemnu fil-bona fide li l-iżvelar huwa meħtieġ biex nipproteġu d-drittijiet tagħna, nipproteġu s-sigurtà tiegħek jew is-sigurtà ta’ oħrajn, ninvestigaw il-frodi, jew nirrispondu għat-talbiet tal-gvern, inklużi l-awtoritajiet governattivi barra l-pajjiż tar-residenza tiegħek, għal skopijiet ta’ sigurtà nazzjonali u/jew ta’ infurzar tal-liġi. Kif ġie nnotat hawn fuq, id-dejta personali li niġbru mingħandek tista’ tinqasam ma’ awtoritajiet governattivi jew uffiċjali tal-infurzar tal-liġi għall-iskopijiet ta’ hawn fuq jekk nemnu, fil-bona fide li aħna obbligati li nagħmlu dan, jekk ikun hemm raġunijiet konvinċenti ta’ interess pubbliku biex nagħmlu dan jew jekk meħtieġ għall-protezzjoni legali tal-interessi kummerċjali, finanzjarji, legali, reputazzjonali jew leġittimi oħra b’konformità mal-liġijiet applikabbli. 
      6. Qsim ta’ Informazzjoni Aggregata u Deidentifikata.  Nistgħu nużaw id-dejta personali tiegħek biex noħolqu informazzjoni aggregata u anonimizzata li nistgħu naqsmu ma’ partijiet terzi.  Ħadd ma jista’ jidentifikak mill-informazzjoni anonimizzata.   F’ċirkustanzi oħra nistgħu nagħmlu psewdonimizzazzjoni tad-dejta personali tiegħek qabel naqsmuha ma’ parti terza sabiex inkunu nistgħu nerġgħu nassoċjawk mal-informazzjoni ladarba tkun ġiet ipproċessata u rritornata lilna.   Filwaqt li l-parti terza ma  tkunx tista’ tidentifikak mill-informazzjoni psewdonimizzata, aħna nkunu għadna nistgħu nagħmlu dan.  Aħna nittrattaw dejta psewdonimizzata daqs li kieku kienet dejta personali u niżguraw l-istess livell ta’ protezzjoni għaliha meta naqsmuha ma’ partijiet terzi.
      7. Għal ġuriżdizzjonijiet rilevanti biss (eż. il-Ġappun jew iċ-Ċina): inti hawn tagħti l-kunsens lilna li naqsmu d-dejta tiegħek ma’ partijiet terzi jew kategoriji ta’ partijiet terzi elenkati f’din il-klawsola. 
  7. TRASFERIMENT INTERNAZZJONALI TAD-DEJTA PERSONALI
    1. Tata Communications tista’ tittrasferixxi d-dejta personali lejn il-fruntieri nazzjonali jekk tikseb il-kunsens tiegħek kif meħtieġ f’xi ġuriżdizzjonijiet.   Billi tagħmel dan, id-dejta personali tiegħek tista’ tiġi ttrasferita u pproċessata minn entitajiet oħra ta’ Tata Communications u/jew partijiet terzi mhux relatati. 
    2. L-entitajiet kollha ta’ Tata Communications iffirmaw ftehim intragrupp applikabbli għat-trasferiment ta’ dejta personali barra l-UE jew lejn ġuriżdizzjonijiet li ma jipprovdux livelli adegwati ta’ protezzjoni skont il-liġi applikabbli.  Lista tal-affiljati tagħna u l-post tagħhom hija disponibbli hawn. Dan il-ftehim huwa bbażat fuq l-klawsoli kuntrattwali standard tal-Kummissjoni tal-UE (u li għalhekk kuntrattwalment jimponu standard ta’ protezzjoni għad-dejta personali li hu ekwivalenti għal dak offrut fl-UE).  B’dan il-mod niżguraw li hemm fis-seħħ protezzjonijiet adegwati għas-sigurtà tad-dejta personali tiegħek meta nittrasferixxuha lil wieħed mill-affiljati tagħna, ikun fejn ikun fid-dinja.  Tista’ tikseb kopja ta’ dawn il-klawsoli billi tikkuntattjana.
    3. Meta naqsmu d-dejta personali tiegħek ma’ partijiet terzi li mhumiex relatati ma’ Tata Communications Group, nitolbu li dawk il-partijiet terzi kollha jirrispettaw is-sigurtà ta’ dik id-dejta personali u jittrattawha skont il-liġijiet tal-protezzjoni tad-dejta applikabbli.   [Għall-Indja biss: Aħna niżguraw ukoll li mill-inqas, l-istess livell ta’ protezzjoni tad-dejta jiġi osservat mill-partijiet terzi, kif ipprovdut lilek minna.] Fejn ningaġġaw fornituri terzi tas-servizz biex jipproċessaw id-dejta personali tiegħek f’isimna, aħna ma mħalluhomx jużaw id-dejta personali għall-iskopijiet tagħhom u nagħtuhom permess jipproċessawha biss għall-iskopijiet speċifiċi tagħna u skont l-istruzzjonijiet tagħna.     Meta nibdew relazzjonijiet ta’ ipproċessar bħal dawk, niżguraw li hemm salvagwardji adegwati fis-seħħ biex id-dejta personali tiegħek tuża l-mekkaniżmu tat-trasferiment tad-dejta l-aktar xieraq għad-dejta personali u l-pajjiżi fihom jew li lejhom tista’ tiġi ttrasferita d-dejta personali.   Fejn hu permess mil-liġi, dan il-mekkaniżmu jista’ jinkludi: l-użu tal-klawsoli kuntrattwali approvati mill-UE; jiżgura li r-riċevitur ikun implimenta r-Regoli Korporattivi Vinkolanti approvati mill-UE li jiggvernaw it-trasferiment tad-dejta personali; jew (fl-Istati Uniti) il-Privacy Shield Certified  (l-UE u s-Swiss Privacy Shield); jew jikkonfermaw li l-pajjiż li qiegħed fih ir-riċevitur ġie kkonfermat formalment mill-UE bħala wieħed li jipprovdi protezzjonijiet adegwati għad-dejta personali.   
    4. Għal ġuriżdizzjonijiet rilevanti biss (eż. il-Messiku, ir-Russja, iċ-Cina u l-Arġentina): Billi tuża s-Servizzi, inti espressament taqbel mat-trasferiment tad-dejta personali lejn pajjiżi terzi fejn dan jeħtieġ il-kunsens tiegħek. 
  8. XI DRITTIJIET GĦANDI FIR-RIGWARD TAD-DEJTA PERSONALI TIEGĦI?
    1. Skont il-liġi ta’ ħafna pajjiżi, għandek ċertu drittijiet fir-rigward tad-dejta personali tiegħek miżmuma minna u aħna nirrispettaw u nosservaw dawn id-drittijiet.  Dawk id-drittijiet jistgħu jinkludu d-dritt li: tistaqsina nikkonfermaw li qed nipproċessaw id-dejta personali tiegħek, tistaqsina għall-kopja tad-dejta personali tiegħek (inkluża informazzjoni dwar dak li naqsmu d-dejta tiegħek miegħu) ; nikkoreġu, inħassru jew nirrestrinġu (inwaqqfu kwalunkwe) ipproċessar attiv tad-dejta personali tiegħek; nillimitaw l-użu u l-iżvelar tad-dejta personali tiegħek; u, tistaqsina naqsmu (port) id-dejta personali tiegħek ma’ persuna oħra, bħal fornitur ieħor tas-servizzi tat-telekomunikazzjonijiet (fejn dan id-dritt huwa inkluż fil-liġi applikabbli).
    2. Barra dan, f’ċerti pajjiżi, tista’ toġġezzjona għall-ipproċessar tad-dejta personali tiegħek f’xi ċirkustanzi (partikolarment, fejn ma għandniex għalfejn nipproċessaw id-dejta biex nissodisfaw ħtieġa kuntrattwali jew legali oħra, jew fejn qed nużaw id-dejta direttament għall-kummerċjalizzazzjoni).  Fejn huwa applikabbli, tista’ wkoll tirtira il-kunsens li tkun tajtna biex nipproċessaw id-dejta personali tiegħek u titlob informazzjoni dwar il-konsegwenzi li jista’ jkun hemm talli qed tonqos milli tipprovdi dak il-kunsens.
    3. Dawn id-drittijiet jistgħu jkunu limitati, pereżempju jekk biex nissodisfaw it-talba tiegħek tiġi żvelata dejta personali dwar persuna oħra, fejn jinkisru d-drittijiet ta’ parti terza (inklużi d-drittijiet tagħna) jew jekk tistaqsina biex inħassru informazzjoni li aħna meħtieġa nżommu bil-liġi jew għandek interessi leġittimi konvinċenti li żżomm
    4. Biex teżerċita kwalunkwe minn dawn id-drittijiet, biex tqajjem kwalunkwe tħassib dwar il-prattiċi tal-privatezza tagħna, jew biex tikseb informazzjoni oħra, tista’ tikkuntattjana, ara d-dettalji ta’ kuntatt tagħna hawn fuq.    Għal Awstralja biss: Se nikkunsidraw il-komunikazzjoni tiegħek bir-reqqa u se nirrisponduk fi żmien 30 jum tal-komunikazzjoni tiegħek magħna.   
    5. Jekk għandek tħassib li ma solvejtx, jista’ jkollok id-dritt tilmenta mal-awtorità tal-protezzjoni tad-dejta nazzjonali rilevanti.   Madankollu jekk jogħġbok ikkuntattjana qabel tagħmel ilment bħal dan għaliex napprezzaw l-opportunità li ninvestigaw u nindirizzaw it-tħassib tiegħek l-ewwel.   
  9. GĦAL KEMM ŻMIEN IŻŻOMMUHA D-DEJTA PERSONALI TIEGĦI
    1. Aħna nżommu d-dejta personali sakemm u/jew mhux aktar milli aħna permessi li nagħmlu dan bil-liġi, regolament, taxxa applikabbli, jew prattika tal-kontabbiltà jew it-termini ta’ kwalunkwe liċenzji tat-telekomunikazzjonijiet governattivi li nistgħu nkunu soġġetti għalihom.  Aħna nħassru wkoll jew nanonimizzaw id-dejta personali skont kwalunkwe obbligi li nistgħu nkunu soġġetti għalihom.
    2. Fejn il-perjodi massimi jew minimi taż-żamma tad-dejta mhumiex b’xi mod ieħor stipulati, aħna niddeterminaw perjodu taż-żamma xieraq għad-dejta personali billi nikkunsidraw: l-ammont, in-natura u s-sensittività tad-dejta personali li jkun hemm fir-rekords;  ir-riskju potenzjali ta’ ħsara minn użu jew żvelar tad-dejta personali mhux awtorizzat; l-iskopijiet li għalihom nipproċessaw id-dejta personali u jekk inkunux nistgħu nissodisfaw dawk l-iskopijiet b’modi oħra. 
    3. Għaċ-Ċina biss: id-dejta personali tiegħek tista’ tiġi maħżuna f’pajjiżi li fihom nittrasferixxu dejta personali skont il-klawsola 7 hawn fuq.  
  10. SIGURTÀ TAD-DEJTA
    1. Se nużaw l-isforzi raġonevoli kollha biex inżommu s-sigurtà tad-dejta personali tiegħek kollha u biex nipproteġu dik id-dejta personali minn użu ħażin, interferenza u telf u kontra l-ġbir, ikkupjar, aċċess, modifikazzjoni jew żvelar mhux awtorizzat.
    2. Poġġejna fis-seħħ kontrolli raġonevoli (inklużi miżuri fiżiċi, teknoloġiċi u amministrattivi) imfassla biex jgħinu s-salvagwardja tad-dejta personali li niġbru permezz tas-siti. Madankollu l-ebda miżura ta’ sigurtà mhi perfetta, għalhekk ma nistgħux niżgurawk li d-dejta personali li niġbru qatt mhi se tiġi aċċessata jew użata b’mod mhux awtorizzat, li jista’ jiġri minħabba ċirkustanzi lil hinn mill-kontroll raġonevoli tagħna. Poġġejna fis-seħħ proċeduri biex nittrattaw ma’ ksur tal-protezzjoni tad-dejta suspettat, u se ninnotifikaw lilek u lil kwalunkwe regolatur applikabbli dwar ksur fejn aħna meħtieġa legalment li nagħmlu dan.
    3. Il-miżuri li poġġejna fis-seħħ biex nassiguraw id-dejta personali tiegħek huma kif ġej:
      1. Miżuri fiżiċi, inkluż: aċċess restritt għaċ-ċentri tal-kompjuters u l-faċiltajiet tal-ħażna tad-dejta. 
      2. Miżuri amministrattivi, inklużi: l-eżekuzzjoni ta’ pjan tas-sigurtà tad-dejta intern u sessjonijiet perjodiċi ta’ taħriġ għall-persunal;
      3. Miżuri teknoloġiċi, inklużi: kontroll tal-aċċess għas-sistema tal-ipproċessar tad-dejta personali u installazzjoni ta’ sistema ta’ kontroll tal-aċċess, u programmi ta’ sigurtà;
      4. L-aċċess kollu għall-komponenti tas-sistema u d-dejta personali se jkunu limitati għal dawk l-individwi li għandhom ħtieġa tat-tagħrif minħabba n-negozju;
      5. Id-drittijiet tal-aċċess għal utenti individwali għandu jkun restritt għal-lanqas privileġġi neċessarji biex jitwettaq ix-xogħol.   Dawn għandhom ikunu bbażati fuq il-klassifikazzjoni tax-xogħol u l-funzjoni;
      6. Il-privileġġi  tal-aċċess kollha għandhom jiġu approvati minn partijiet awtorizzati li jispeċifikaw il-privileġġi meħtieġa qabel ma jiġi mgħoti kwalunkwe aċċess; u  
      7. L-utenti kollha għandhom jiġu assenjati identifikazzjoni unika qabel jingħataw kwalunkwe aċċess għal komponenti tas-sistema, dejta personali jew dejta sensittiva oħra.   Barra dan, l-utenti kollha għandhom jiġu awtentikati b’mill-inqas password.
  11. TIBDILIET F’DIN IL-POLITIKA

    Biex niżguraw li inti tkun dejjem konxju ta’ kif nużaw id-dejta personali tiegħek aħna naġġornaw il-verżjoni onlajn ta’ din il-Politika minn żmien għal żmien biex jiġi rifless kwalunkwe tibdil fl-użu tagħna tad-dejta personali tiegħek. Nistgħu wkoll nagħmlu tibdil biex nikkonformaw ma’ tibdil fil-liġi applikabbli jew ħtiġijiet regolatorji. Fejn ikun prattikabbli, ninnotifikawk b’mezzi oħra qabel tibdil li jaffettwawk materjalment billi nqiegħdu avviż fuq is-siti tagħna jew nibgħatulek notifika.  Sal-punt meħtieġ mil-liġijiet applikabbli, se niksbu l-kunsens tiegħek qabel nimplimentaw dak it-tibdil. Madankollu, ninkoraġġuk tara din il-Politika perjodikament biex tiġi infurmat bi kwalunkwe tibdil ta’ kif nużaw id-dejta personali tiegħek.